طبعا انا لا ناقده سياسيه ولا حتي ادبيه لكن بفهم وبحس لما اشوف حاجه تستحق التقدير والله انا اعرف مغني صوته حلو قوي اسمه محمد محسن ابن الميدان اول من غير من شكل النشيد الوطني وقدمه بشكل 25 يناير
وطبعا لان صوته لا يعلي عليه قلت اروح اشوف المسرحيه الجديده بتعته بعد مابنت عمي بقولها علي ثوره 19 طلعت ماتعرفش تقريبا عنها اساسا. .!!!!
رحت لقيت الدخول ببلاش … في فن ببلاش اكيد هتقولي فن هادف ماشي بس سوالي ليه ؟
سوالي ده ردوا وصل بسرعه جدا بعد اول مشهد شفته الممثلين بجد بتحكي حكايات ثورتنا العظيمه لحظه بلحظه دقيقه بدقيقه بكل موقف عدي عليها.
شكل المسرح والتجهيزات طبعا بيدل علي ذكاء فني في استخدام اقل الموارد لانجاح عمل زي ده مافيش تكلف كبير ولا هيصه كبيره في الملابس المبهرجه والمكياجات ولا الاكسسوارات ودا يدل علي ان اللي داخل يمثل مش داخل يخلي الناس تتفرج عليه هو شخصيا وبساطه الممثلين في العمل خلي العمل اقرب للجمهور
المشكله في المسرحيه مش انها ببلاش ولا اي حاجه المشكله ان فيها كلام بجد يخلي الحجر ينطق تشابه رهيب بين الاحداث اللي كانت بتحصل ايامها مع ايامنا دلوقتي وازاي قدر سعد زغلول يتغلب عليها و تسالت ليه الناس بدور علي ثورت غيرها وتقلدها في الحين اللي عملنا فيه ثوره كانت من اجمل الثورات واكملها ثوره علي مستوي الرجال والسيادات وحدت كل طوائف الشعب .
المسرحيه في نظري اهم شئ تتطرقت له انها اتكلمت عن ضمير القائد ثوره 19 وهو سعد زغلول بلا منازع طبعا والصراع الدائم لتنفيذ مايملي عليك ومايجب فعله
كان القائد معروف سعد زغلول وضميره كان صحفي معروف اسمه محمد فريد رجل شريف من قصه تتعلم معني النضال كان اول مره اسمع عنه في المسرحيه وهيفضل في ذاكرتي للابد.
تخيلوا نصنا مانعرفش مين محمد فريد (دور كده عليه في جوجل وشوف مين الراجل ده )
وبعد ماشفت المسرحيه خرجت منها باهم اجابه.. الثوره بتنجح ليه؟
ثوره 19نجحت لان ضمير القائد كان حر ونزيه و بنصح بشده كل بتوع حزب الكنبه والمجلس العسكري وكل اللي بيقول لا ثورتنا ماينفعلهاش قائد يروحوا يتفرجوا عليها
هيعرفوا ان الحل مش اننا يبقالنا قائد .... الحل ان يبقالنا ضمير
في النهايه احب اضيف كلمه شكر للكل القائمين علي العمل واقول للفنان طارق اسماعيل ابكيت الاحساس بداخلي
الايفنت اهو للي حابب يحضرها
http://www.facebook.com/event.php?eid=151419344939307
No comments:
Post a Comment